पाहा पाहा मंजुळा

 || पाहा पाहा मंजुळा ||

 

लयास गेली युगायुगाची हीन दीन अवकळा
पहा पहा मंजुळा हा माझ्या भीमरायाचा मळा ||

रानमाळ असता भीमाने देह इथे झिजविला
शिंपडून रक्ताचं पाणी शिवार हा भिजविला
बहरली कणसं इमानी माणसं नाचतो जोंधळा
पहा पहा मंजुळा हा माझ्या भीमरायाचा मळा ||

त्रिसरणाची झडप तयाला कुंपण पंचशीला
बुद्धं सरणं मार्ग एक हा जाण्यासाठी भला
फिटते भ्रांती मिळते शांती फुलते जीवनकळा
पहा पहा मंजुळा हा माझ्या भीमरायाचा मळा ||

बोधिवृक्ष हे डुलती कैसे बांधाबांधावरी
गोड लागते साऊलीत या जीवनाची भाकरी
मळा हा राखू फळे हि चाखू झरा बाजूला निळा
पहा पहा मंजुळा हा माझ्या भीमरायाचा मळा ||

कोल्हेकुई हि कुपाकुपानं चाले बाहेरून
दुहीचा कुंदा वरती डोके काढितो आतून
हरेन्द्रासंग धरूया दोघं हाती एकीचा विळा
पहा पहा मंजुळा हा माझ्या भीमरायाचा मळा ||


                                                            कवी- हरेंद्र जाधव

                                                               गायक- विठ्ठल उमप


Comments

Post a Comment

Popular posts from this blog

हे खरंच आहे खरं

|| हे खरंच आहे खरं || हे खरंच आहे खरं हे खरंच आहे खरं की भीमराव रामजी आंबेडकर बाबासाहेब आंबेडकर, नाव हे गाजतंय हो जगभर|| महाविरोध कवटाळीला जातीभेदाच्या तोडिल्या तोफा मार्ग सत्याचा दाविला सोपा आम्हा बांधून ठेवलाय खोपा हो बौद्ध धर्माचा टांगलाय सोफा जाणून महती सुखानं जगती दलितांची लेकरं बाबासाहेब आंबेडकर, नाव हे गाजतंय हो जगभर|| भारताला जी होती हवी अशी लिहिली घटना नवी नवज्ञानाचा होता रवी हो काय वर्णावी ही थोरवी जोवर धरती हरेंद्रा कीर्ती राहील अजरामर बाबासाहेब आंबेडकर, नाव हे गाजतंय हो जगभर||                                                                            कवी- हरेंद्र जाधव                                                ...
Read more

सोनियाची उगवली सकाळ

||  सोनियाची उगवली सकाळ ||                                                                                                                        सोनियाची उगवली सकाळ उगवली सकाळ जन्मास आले भीमबाळ जन्मास आले भीमबाळ जन्मास आले भीमबाळ जन्मास आले भीमबाळ|| भिमाई माता प्रसूत होता भिमाई माता प्रसूत होता हर्षित झाले ते रामजी पिता धन्य झाली कुळी सकपाळ हो हो धन्य झाली कुळी सकपाळ, कुळी सकपाळ जन्मास आले भीमबाळ|3| तारीख चौदा एप्रिल माहे तारीख चौदा एप्रिल माहे महूगावात हे वारे वाहे ठेंगणे भासे आभाळ हो हो ठेंगणे भासे आभाळ, भासे आभाळ जन्मास आले भीमबाळ|3| रूप तेजस्वी चंद्रापरी ते रूप तेजस्वी चंद्रापरी ते जळकत होते अवनीवरी ते केला सुखाने प्रतिपाळ हो हो...
Read more